Gabimet elektronike te BMW: iDrive, modulet dhe tensioni i ulët
BMW-të moderne kanë dhjetëra module elektronike që komunikojnë mes vete. Kur del një mesazh në iDrive ose në panel, nuk do të thotë gjithmonë që një modul është dëmtuar. Shumë gabime vijnë nga tensioni i ulët, lidhje të këqija ose softuer i vjetër.
· Auto Energjia, Prishtinë
Shkaqet e zakonshme
- bateri e dobët ose e paregjistruar
- lidhje masë të oksiduara
- lagështi në instalim pas rrjedhjeve të ujit
- softuer i vjetër në module
- pajisje të montuara pas fabrikës
Shenjat
Ekrani i iDrive ristartohet, sistemi i navigacionit ngrin, dalin shumë mesazhe njëherësh, ose disa funksione si kamera dhe sensorët nuk punojnë herë pas here. Shpesh problemet shfaqen në mëngjes kur bateria është më e dobët.
Si kontrollohet
Te Auto Energjia nisim me test të baterisë dhe të sistemit të ngarkimit. Pastaj lexojmë memoriet e të gjitha moduleve dhe shohim cili gabim është i pari dhe cilët janë pasoja. Kontrollojmë lidhjet masë dhe vendet ku zakonisht hyn uji. Nëse problemi është softueri, përditësimi bëhet me furnizim të qëndrueshëm të tensionit.
Pse nuk duhet fshirë vetëm gabimi
Fshirja e gabimeve pa e gjetur shkakun vetëm e shtyn problemin. Gabimet e ruajtura janë informacion i vlefshëm për diagnozën.
Pyetje të shpeshta
A mund të shkaktojë bateria e dobët gabime në shumë sisteme?
Po. Tensioni i ulët gjatë ndezjes shpesh shkakton gabime njëkohësisht në disa module.
A mund të përditësohet iDrive?
Po, me pajisje diagnostike dhe softuer të përshtatshëm, me furnizim të qëndrueshëm gjatë procesit.
Servis BMW te Auto Energjia
Në Prishtinë bëjmë diagnostikim dhe servis për BMW: motor, ndërrues automatik, elektronikë, frena, suspension dhe klimë. Para çdo riparimi ju shpjegojmë çka është matur dhe pse rekomandohet puna.