Vaji i motorit për BMW: standardet Longlife dhe intervali real
Vaji i motorit nuk zgjidhet vetëm sipas viskozitetit si 5W-30. BMW ka standardet e veta Longlife që tregojnë nëse vaji është testuar për motorët e tyre. Përdorimi i vajit të gabuar mund të ndikojë te zinxhiri, turbina dhe filtri i grimcave.
· Auto Energjia, Prishtinë
Standardet kryesore
- BMW Longlife-01: për shumë motorë benzinë më të vjetër
- BMW Longlife-04: për shumicën e motorëve diesel me DPF dhe benzinë në Evropë
- BMW Longlife-12 FE dhe 17 FE: për motorë më të rinj, me vaj më të hollë për kursim
Etiketa e vajit duhet ta përmendë standardin BMW. Shkrimi “i përshtatshëm për BMW” pa standard nuk mjafton.
Pse ka rëndësi te diesel
Motorët diesel me DPF kërkojnë vaj me hi të ulët. Vaji me shumë hi e mbush filtrin më shpejt dhe e shkurton jetëgjatësinë e tij.
Intervali real
Intervali në bord mund të jetë deri në 25.000–30.000 km. Në kushtet e Kosovës, me shumë vozitje në qytet, rrugë të shkurtra dhe dimër, ne rekomandojmë ndërrim rreth çdo 10.000–15.000 km. Vaji i freskët e mbron zinxhirin, VANOS-in dhe turbinën.
Te Auto Energjia
Zgjedhim vajin sipas motorit dhe standardit të prodhuesit, ndërrojmë filtrin origjinal ose ekuivalent dhe rivendosim CBS.
Pyetje të shpeshta
A mund të përziej dy vajra të ndryshëm?
Për mbushje urgjente po, nëse kanë të njëjtin standard. Por rekomandohet ndërrim i plotë sa më shpejt.
Sa vaj harxhon normalisht një BMW?
Një harxhim i vogël është normal. Nëse duhet të shtoni më shumë se rreth 1 litër në 5.000 km, motori duhet kontrolluar.
Servis BMW te Auto Energjia
Në Prishtinë bëjmë diagnostikim dhe servis për BMW: motor, ndërrues automatik, elektronikë, frena, suspension dhe klimë. Para çdo riparimi ju shpjegojmë çka është matur dhe pse rekomandohet puna.