Mercedes ESL: kur çelësi nuk rrotullohet dhe timoni mbetet i bllokuar
Shumë Mercedes, sidomos C-Class W204, E-Class W212, CLS dhe GLK, kanë bllokim elektronik të timonit (ESL ose ELV). Kur motori i tij konsumohet, çelësi nuk rrotullohet dhe vetura nuk ndizet.
· Auto Energjia, Prishtinë
Shenjat
- çelësi futet, por nuk rrotullohet
- zhurmë nga timoni kur futet çelësi
- vetura ndizet herë po herë jo
- në disa raste mesazh për bllokimin e timonit
Pse ndodh
Motori elektrik dhe mekanizmi i bllokimit konsumohen me kohë. Fillimisht problemi del herë pas here, pastaj bëhet i vazhdueshëm. Nëse ndodh larg shtëpisë, vetura mbetet e palëvizshme.
Riparimi
Te Auto Energjia kontrollojmë çelësin, ndezjen dhe njësinë ESL me diagnostikë. Varësisht nga modeli dhe gjendja, njësia riparohet, ndërrohet ose programohet me çelësat e veturës. Njësia e re ose e përdorur duhet të përputhet me veturën; pa programim nuk punon.
Këshilla
Nëse çelësi ngec herë pas here, mos e prisni dështimin e plotë. Kontrolli herët është më i lirë dhe më pak stresues se tërheqja e veturës.
Pyetje të shpeshta
A është problem i çelësit apo i timonit?
Mund të jenë të dyja. Diagnostika i ndan.
A mund të rindizet vetura duke tundur timonin?
Ndonjëherë ndihmon për momentin, por nuk e zgjidh problemin.
Servis Mercedes-Benz te Auto Energjia
Në Prishtinë bëjmë diagnostikim dhe servis për Mercedes-Benz: motor, ndërrues automatik, elektronikë, frena, suspension dhe klimë. Para çdo riparimi ju shpjegojmë çka është matur dhe pse rekomandohet puna.