Mercedes: uji në kabinë, nën ulëse dhe pas shiut
Te shumë Mercedes, nën xhamin e përparmë ka një hapësirë me kanale kullimi ku mblidhen gjethet. Kur kanalet zihen, uji ngrihet dhe hyn në kabinë ose në kutinë e siguresave. Ky është ndër problemet më të shpeshta pas shiut të fortë.
· Auto Energjia, Prishtinë
Foto: Danial Dezfouli / Unsplash
Burimet e mundshme
- kanalet nën xhamin e përparmë, në anën e motorit
- kullimi i avulluesit të klimës
- kanalet e çatisë rrëshqitëse ose panoramike
- gomat e dyerve dhe foliet brenda derës
- antena në çati ose dritat e pasme
Pse është e rrezikshme
Te disa Mercedes, kutia e siguresave dhe modulet ndodhen në zonën e këmbëve ose nën ulëse. Uji sjell oksidim dhe gabime që shfaqen javë më vonë. Edhe sensori i zënies së ulëses dhe lidhjet e airbagut janë të ndjeshme.
Riparimi
Pastrohen kanalet dhe kontrollohet rrjedhja me ujë, pjesë pas pjese. Tapetat dhe izolimi thahen plotësisht. Lexohen gabimet në të gjitha modulet dhe kontrollohen lidhjet për oksidim.
Pyetje të shpeshta
Pse ka ujë vetëm në anën e pasagjerit?
Shpesh nga kullimi i klimës ose nga kanalet nën xhamin e përparmë në atë anë.
Sa shpesh duhen pastruar kanalet?
Rekomandohet një herë në vit, sidomos në vjeshtë pas rënies së gjetheve.
Servis Mercedes-Benz te Auto Energjia
Në Prishtinë bëjmë diagnostikim dhe servis për Mercedes-Benz: motor, ndërrues automatik, elektronikë, frena, suspension dhe klimë. Para çdo riparimi ju shpjegojmë çka është matur dhe pse rekomandohet puna.