BMW N55 dhe N54: injektorët piezo dhe dridhjet në ndezje
Motorët 3.0 turbo benzinë N54 dhe N55 (335i, 535i, X5 35i, X6 35i) përdorin injeksion direkt me injektorë piezo. Kur një injektor rrjedh ose nuk mbyllet mirë, motori dridhet në ndezje dhe mund të nxjerrë tym të zi.
· Auto Energjia, Prishtinë
Foto: Hoyoun Lee / Unsplash
Shenjat e injektorit me defekt
- motori dridhet në ndezje të ftohtë dhe pastaj qetësohet
- gabim misfire në një cilindër të caktuar
- erë karburanti nga shkarkimi
- konsum i rritur dhe kandela të zeza në atë cilindër
Dridhja mund të vijë edhe nga bobina ose kandela, prandaj nuk ndërrohet injektori pa u bërë testi.
Si testohet
Me diagnostikë shohim numërimin e misfire për çdo cilindër dhe korrigjimet e përzierjes. Ndërrohet bobina mes cilindrave: nëse gabimi mbetet në të njëjtin cilindër, dyshimi bie te injektori. Pastaj kontrollohet kandela dhe, sipas nevojës, injektori hiqet dhe kontrollohet për rrjedhje.
Kodimi i injektorit të ri
Çdo injektor piezo ka kod korrigjimi që duhet të futet në njësinë e motorit. Pa kodim motori punon, por përzierja nuk është e saktë. Te Auto Energjia injektorët e rinj montohen me unazat e reja dhe kodohen me diagnostikë.
Pyetje të shpeshta
A duhet ndërruar të gjithë injektorët njëherësh?
Jo gjithmonë. Nëse injektorët janë të versionit të njëjtë dhe vetëm njëri ka defekt, mund të ndërrohet vetëm ai. Te kilometrazha shumë të larta ndonjëherë rekomandohet ndërrim komplet.
A ndikon karburanti në injektorë?
Po. Karburanti me cilësi të dobët dhe mbushja me rezervuar gati bosh rrisin rrezikun për ndotje dhe konsum.
Servis BMW te Auto Energjia
Në Prishtinë bëjmë diagnostikim dhe servis për BMW: motor, ndërrues automatik, elektronikë, frena, suspension dhe klimë. Para çdo riparimi ju shpjegojmë çka është matur dhe pse rekomandohet puna.