BMW: gjysmëboshtet, kuffat dhe zhurma në kthesa
Gjysmëboshtet e dërgojnë fuqinë nga diferenciali te rrotat. Nyjet në skajet e tyre janë të mbrojtura me kuffa gome të mbushura me yndyrë. Kur kuffa plasë, uji dhe pluhuri hyjnë brenda dhe nyja konsumohet shpejt.
· Auto Energjia, Prishtinë
Foto: Martin Katler / Unsplash
Shenjat
- kërcitje në kthesa të forta me timon të kthyer plotësisht
- dridhje në përshpejtim
- yndyrë e spërkatur në pjesën e brendshme të rrotës
- goditje kur nisesh nga vendi
Kontrolli
Gjatë servisit vetura ngrihet dhe kuffat shikohen nga të gjitha anët. Te BMW xDrive kontrollohen edhe gjysmëboshtet e përparme, të cilat kalojnë pranë motorit dhe janë më të ekspozuara ndaj nxehtësisë. Loja e nyjeve kontrollohet duke rrotulluar boshtin me dorë.
Riparimi
Nëse kuffa ka plasur, por nyja nuk bën ende zhurmë, mjafton ndërrimi i kuffës, pastrimi dhe yndyra e re. Nëse nyja është e konsumuar, ndërrohet nyja ose gjysmëboshti komplet. Pas montimit shtrëngohet bulona qendrore me momentin e saktë.
Pyetje të shpeshta
A mund të vozis me kuffë të plasur?
Për pak ditë po, por nyja mund të dëmtohet shpejt. Riparimi i hershëm kushton shumë më pak.
A shkakton gjysmëboshti dridhje në autostradë?
Rrallë. Dridhjet në autostradë shpesh vijnë nga gomat ose balancimi, prandaj kontrollohen edhe ato.
Servis BMW te Auto Energjia
Në Prishtinë bëjmë diagnostikim dhe servis për BMW: motor, ndërrues automatik, elektronikë, frena, suspension dhe klimë. Para çdo riparimi ju shpjegojmë çka është matur dhe pse rekomandohet puna.