BMW: pompa e karburantit në rezervuar dhe ndezja e vështirë
Te shumica e BMW-ve, pompa elektrike në rezervuar dërgon karburantin te motori. Ajo komandohet nga një modul elektronik që e ndryshon shpejtësinë sipas nevojës. Defekt mund të ketë pompa, moduli ose lidhjet elektrike.
· Auto Energjia, Prishtinë
Foto: Назарій Ковальов / Unsplash
Shenjat më të shpeshta
- motori ndizet pas disa tentimeve
- vetura fiket gjatë vozitjes, sidomos me rezervuar pothuajse bosh
- humbje e fuqisë në përshpejtim të fortë
- zhurmë e pazakontë nga ana e ulëses së pasme
Si kontrollohet
Me diagnostikë lexohet presioni i ulët i karburantit dhe kërkesa e njësisë së motorit. Kontrollohet tensioni dhe rryma e pompës, si dhe moduli i saj, i cili te shumë modele ndodhet në bagazh ose nën ulëse. Te dieselët kontrollohet edhe filtri i karburantit, sepse filtri i zënë jep shenja të ngjashme.
Këshilla
Mos vozitni rregullisht me rezervuar shumë të ulët. Karburanti e ftoh pompën, dhe papastërtitë në fund të rezervuarit e konsumojnë më shpejt. Në dimër, te dieselët, përdorni karburant dimëror të cilësisë së mirë.
Pyetje të shpeshta
A mund të ndërrohet vetëm moduli i pompës?
Po, nëse matjet tregojnë që defekti është te moduli elektronik. Prandaj nuk ndërrohet pompa pa u matur.
A ka lidhje pompa me matësin e karburantit?
Te shumë modele sensori i nivelit është në të njëjtin njësi me pompën, prandaj matësi jo i saktë mund të lidhet me të.
Servis BMW te Auto Energjia
Në Prishtinë bëjmë diagnostikim dhe servis për BMW: motor, ndërrues automatik, elektronikë, frena, suspension dhe klimë. Para çdo riparimi ju shpjegojmë çka është matur dhe pse rekomandohet puna.