BMW: njoftimi “Drivetrain malfunction” dhe fuqia e reduktuar
Kur BMW shfaq njoftimin për defekt në sistemin e lëvizjes, motori shpesh kalon në modalitet emergjent me fuqi të kufizuar. Njoftimi është i përgjithshëm dhe nuk tregon vetë se cila pjesë ka defekt.
· Auto Energjia, Prishtinë
Foto: Sebastiaan Chia / Unsplash
Shkaqet më të shpeshta
- misfire nga bobina, kandela ose injektori
- presion i ulët i karburantit
- humbje e presionit të turbinës
- sensorët e boshteve ose VANOS
- gabime në sistemin e pastrimit të gazrave te dieselët
Çka duhet të bëni
Nëse vetura punon normalisht, por me fuqi të reduktuar, vozitni qetë deri në servis. Nëse motori dridhet fort ose drita e motorit pulson, ndaluni, sepse misfire i fortë dëmton katalizatorin. Fikja dhe ndezja mund ta largojnë njoftimin për pak kohë, por shkaku mbetet.
Diagnostikimi
Me diagnostikë lexohen gabimet në njësinë e motorit dhe ruajtja e kushteve kur ka ndodhur gabimi: rrotullimet, temperatura dhe ngarkesa. Pastaj testohet pjesa e dyshuar. Fshirja e gabimit pa riparim çon në kthim të njoftimit.
Pyetje të shpeshta
A mund të vozis me këtë njoftim?
Për rrugë të shkurtër dhe me kujdes po, por jo në autostradë me ngarkesë të plotë. Kontrolli duhet bërë sa më shpejt.
Pse njoftimi del vetëm në përshpejtim të fortë?
Sepse atëherë kërkesa për karburant dhe presion është më e madhe dhe pjesa e dobët nuk e përballon.
Servis BMW te Auto Energjia
Në Prishtinë bëjmë diagnostikim dhe servis për BMW: motor, ndërrues automatik, elektronikë, frena, suspension dhe klimë. Para çdo riparimi ju shpjegojmë çka është matur dhe pse rekomandohet puna.