BMW: kontrolli para udhëtimit të gjatë jashtë vendit
Shumë pronarë BMW në Kosovë udhëtojnë mijëra kilometra në verë ose në festat e fundvitit, shpesh drejt Gjermanisë, Zvicrës ose bregdetit. Një kontroll para nisjes ul rrezikun e prishjes në autostradë.
· Auto Energjia, Prishtinë
Foto: Nayan Bhalotia / Unsplash
Çka kontrollohet
- gomat: thellësia, plasaritjet dhe presioni për ngarkesë të plotë
- frenat: pllakat, disqet dhe lëngu
- vaji i motorit dhe niveli i lëngut ftohës
- bateria nën ngarkesë
- fshirëset dhe lëngu i xhamave
- leximi i gabimeve në të gjitha modulet
Ngarkesa dhe presioni
Me veturë të ngarkuar plot, presioni i gomave duhet të jetë sipas vlerave për ngarkesë të plotë që shkruhen në derë ose në kapakun e rezervuarit. Pas ndryshimit të presionit, sistemi TPMS resetohet. Te veturat me rimorkio kontrollohet edhe grepi dhe dritat.
Gjatë rrugës
Ndaluni çdo dy deri në tri orë. Në verë, me temperatura të larta dhe kolona në kufi, shikoni temperaturën dhe mos e fikni motorin menjëherë pas vozitjes së fortë në autostradë. Mbani me vete numrin e asistencës dhe dokumentet e veturës.
Pyetje të shpeshta
Sa kohë para udhëtimit duhet bërë kontrolli?
Rekomandojmë një ose dy javë para, që të ketë kohë për pjesë nëse diçka duhet ndërruar.
A duhet ndërruar vaji para udhëtimit?
Nëse servisi afrohet brenda kilometrave që do të vozitni, është më mirë të bëhet para nisjes.
Servis BMW te Auto Energjia
Në Prishtinë bëjmë diagnostikim dhe servis për BMW: motor, ndërrues automatik, elektronikë, frena, suspension dhe klimë. Para çdo riparimi ju shpjegojmë çka është matur dhe pse rekomandohet puna.