BMW M Sport: frenat blu, pllakat dhe disqet
Paketa M Sport te shumë BMW përfshin frenat me kalipra blu, me katër pistona përpara dhe dy prapa. Ato ofrojnë frenim më të fortë dhe më të qëndrueshëm, por pjesët e tyre janë më të shtrenjta dhe kërkojnë kontroll të saktë.
· Auto Energjia, Prishtinë
Foto: Luca Hooijer / Unsplash
Çka dallon nga frenat standarde
- kalipra fiks me shumë pistona në vend të kaliprave lëvizës
- disqe më të mëdhenj dhe shpesh me ajrim
- pllaka me përbërje që japin më shumë pluhur
- sensorë konsumi në të paktën një rrotë për aks
Zhurma dhe dridhjet
Kërcitja në frenim të lehtë shpesh vjen nga pllakat pa lubrifikim të duhur në kontaktin me kaliprin. Dridhjet vijnë nga disqet që kanë depozita të pabarabarta pllakash, jo gjithmonë nga disqe të shtrembëruara. Pas ndërrimit, pllakat dhe disqet duhet të “futen” me frenime të moderuara.
Ndërrimi
Me ndërrimin e pllakave ndërrohet edhe sensori i konsumit. Te kaliprat me shumë pistona, pistonat pastrohen dhe kthehen me kujdes që të mos dëmtohen gomat mbrojtëse. Lëngu i frenave kontrollohet për lagështi.
Pyetje të shpeshta
A mund të ngjyrosen kaliprat?
Po, me bojë rezistente ndaj nxehtësisë dhe pa i lyer gomat dhe pistonat.
Pse ka shumë pluhur në rrota?
Pllakat M Sport kanë përbërje që jep më shumë pluhur. Ka pllaka me pluhur më të pak, por mund ta ndryshojnë ndjesinë e frenimit.
Servis BMW te Auto Energjia
Në Prishtinë bëjmë diagnostikim dhe servis për BMW: motor, ndërrues automatik, elektronikë, frena, suspension dhe klimë. Para çdo riparimi ju shpjegojmë çka është matur dhe pse rekomandohet puna.