VW 2.0 TDI EA288: rripi i kohës, pompa e ujit dhe EGR
EA288 është motori diesel më i përhapur i grupit VW nga viti 2012. Është i qëndrueshëm, por disa pjesë duhen ndërruar në kohë.
· Auto Energjia, Prishtinë
Foto: Orlando Garcia / Unsplash
Rripi i kohës dhe pompa e ujit
Te EA288, pompa e ujit punon nga rripi i kohës. Prandaj ndërrohen gjithmonë bashkë, me tensionerin dhe rulat. Nëse pompa rrjedh, lëngu ftohës e dëmton rripin dhe rreziku për motorin rritet.
Shenjat që pompa po rrjedh: niveli i lëngut ftohës bie ngadalë, gjurmë të bardha ose rozë në pjesën e përparme të motorit.
EGR, DPF dhe termostati
- valvula EGR mbushet me bloza në vozitje të shkurtër
- ftohësi i EGR mund të rrjedhë lëng ftohës brenda
- DPF bllokohet kur rigjenerimi ndërpritet shpesh
- termostati i hapur e mban motorin në 70–80°C dhe rrit harxhimin
Vaji i duhur
EA288 kërkon vaj VW 507.00 (5W-30) ose, te versionet më të reja, 508/509 (0W-20). Vaji i gabuar ndikon në DPF dhe në jetëgjatësinë e turbinës.
Ku gjendet ky motor
EA288 gjendet te Golf 7 dhe 8, Passat B8, Tiguan, Arteon, Touran, T-Roc, Caddy, Transporter T6, si dhe te Škoda Octavia, Superb, Kodiaq, SEAT Leon, Ateca dhe Audi A3, A4, Q3, Q5. Kjo do të thotë që pjesët dhe njohuritë janë shumë të përhapura dhe servisi është i parashikueshëm.
EA288 EVO
Versioni më i ri EA288 EVO ka dy katalizatorë SCR dhe dozim të dyfishtë të AdBlue. Është më i pastër dhe më efikas, por sistemi i emisioneve është më kompleks. Gabimet e AdBlue dhe sensorëve NOx janë pikat kryesore të diagnostikimit.
Çka të bëni nëse blini veturë me EA288
- kërkoni dëshmi për ndërrimin e rripit të kohës
- kontrolloni nivelin dhe ngjyrën e lëngut ftohës
- bëni diagnostikim për DPF, EGR dhe AdBlue
- dëgjoni motorin në ndezje të ftohtë
- ndërroni vajin dhe filtrat nëse nuk ka dëshmi për servisin e fundit
Pyetje të shpeshta
Sa shpesh ndërrohet rripi te 2.0 TDI EA288?
Zakonisht rreth 210.000 km ose sipas vitit. Te veturat pa historik, rekomandojmë kontroll menjëherë.
Pse motori nuk ngrohet në dimër?
Termostati i dëmtuar është shkaku më i shpeshtë.
A mund të vozitet me EGR të bllokuar?
Për pak kohë po, por harxhimi rritet, fuqia bie dhe DPF-ja mbushet më shpejt.
Servis Volkswagen te Auto Energjia
Në Prishtinë bëjmë diagnostikim dhe servis për Volkswagen: motor, ndërrues, elektronikë, frena, suspension dhe klimë. Para çdo riparimi ju shpjegojmë çka është matur dhe pse rekomandohet puna.