VW TDI: turbina humb presion, fishkëllimë dhe tym
Shumica e ankesave për “turbinë të prishur” nuk janë te vetë turbina. Shpesh fajin e kanë tubat, sensorët ose aktuatori.
· Auto Energjia, Prishtinë
Shenjat
- fishkëllimë më e fortë se zakonisht
- vetura humb fuqi mbi 2.000 rrotullime
- tym blu ose i zi
- harxhim vaji
- gabim për presion të ulët ose të lartë të turbinës
Shkaqet që i gjejmë më shpesh
Te motorët TDI, gjeometria variabile e turbinës ngec nga blozat dhe aktuatori nuk lëviz lirshëm. Tubat e intercooler-it çahen ose lirohen. Sensori i presionit të ajrit jep vlera të gabuara. Vetëm pasi përjashtohen këto, kontrollohet vetë turbina.
Si ruhet turbina
Mos e ngarkoni motorin sa është i ftohtë, mos e fikni menjëherë pas vozitjes së fortë, dhe ndërroni vajin në kohë me normën e duhur. Vaji i vjetër e dëmton kushinetën e turbinës.
Gjeometria variabile
Turbinat e TDI kanë fletë të lëvizshme që ndryshojnë rrjedhjen e gazrave. Kjo jep presion të mirë edhe në rrotullime të ulëta. Kur blozat i bllokojnë fletët, turbina jep shumë ose pak presion dhe motori kalon në modalitet emergjent. Shpesh zgjidhja është pastrimi dhe kalibrimi i mekanizmit.
Testimi
- diagnostikim me vlerat e presionit të kërkuar dhe real
- test i aktuatorit
- kontroll i tubave me presion
- kontroll i lojës së boshtit të turbinës
- kontroll i vajit në tubat e intercooler-it
Rindërtimi apo e reja
Nëse boshti dhe shtëpiza janë në gjendje të mirë, rindërtimi me pjesë cilësore është zgjidhje e mirë dhe më e lirë. Nëse turbina ka dëmtime të mëdha, ndërrohet. Në të dyja rastet, kontrollohet edhe shkaku: vaji, filtri i ajrit dhe ventilimi i karterit.
Pyetje të shpeshta
A mund të riparohet turbina?
Po, shpesh me rindërtim. Varet nga dëmtimi i boshtit dhe shtëpizës.
Pse turbina harxhon vaj?
Nga semering-ët e konsumuar ose nga ventilimi i karterit i bllokuar.
A është normale fishkëllima?
Një fishkëllimë e lehtë po. Nëse forcohet ose ndryshon, kontrollohet.
Servis Volkswagen te Auto Energjia
Në Prishtinë bëjmë diagnostikim dhe servis për Volkswagen: motor, ndërrues, elektronikë, frena, suspension dhe klimë. Para çdo riparimi ju shpjegojmë çka është matur dhe pse rekomandohet puna.